شرح عقيده واسطيه

مولف رحمہ اللہ اس سے یہ ثابت کرنا چاہتے ہیں کہ بندۂ مسلم کے لئے اللہ عزوجل کے اسماء حسنیٰ اور صفات عالیہ کی معرفت کا وحی الٰہی کے علاوہ کوئی راستہ نہیں۔نیز چونکہ اللہ کے اسماء و صفات توقیفی ہیں ‘ اس لئے جوچیزیں اللہ نے اپنی ذات کے لئے ثابت کی ہیں یا رسول اللہ صلی اللہ علیہ وسلم نے اللہ کے لئے ثابت کی ہیں ‘ہم اسے ثابت کریں گے‘ اور جن چیزوں کی اللہ نے اپنی ذات سے نفی کی ہے یا رسول اللہ صلی اللہ علیہ وسلم نے اللہ کی ذات سے نفی ہے ‘ ہم بھی اللہ کی ذات سے اس کی نفی کریں گے۔اور یہ چیزیں قرآن کریم اور سنت صحیحہ کی روشنی میں ہوں گی۔

مولف رحمہ اللہ نے جن صفات باری کا ذکر کیا ہے وہ حسب ذیل ہیں :

1. عزت:

ارشاد باری ہے:

﴿سُبْحَانَ رَبِّكَ رَبِّ الْعِزَّةِ عَمَّا يَصِفُونَ﴿١٨٠﴾وَسَلَامٌ عَلَى الْمُرْسَلِينَ﴿١٨١﴾وَالْحَمْدُ لِلّٰہِ رَبِّ الْعَالَمِينَ﴾[1]

تمہارا عزت والا رب ان تمام عیوب و نقائص سے پاک ہے جن