ساتواں باب
مسئلہ شفاعت وغیرہ کا بیان
قرآنی آیات:
قیامت کے دن شفاعت کے بارے میں چند آیا ت قرآنیہ حسبِ ذیل ہیں :
1۔﴿وَ لَا یَشْفَعُوْنَ اِلَّا لِمَنِ ارْتَضٰی وَ ھُمْ مِّنْ خَشْیَتِہٖ مُشْفِقُوْنَ﴾ [الأنبیائ: ۲۸]
[اور وہ سفارش نہیں کر سکتے مگر جس کے لیے اللہ کی مرضی ہو اور وہ اس کی ہیبت سے خوف زدہ ہیں]
2۔﴿مَا لَکُمْ مِّنْ دُوْنِہٖ مِنْ وَّلِیٍّ وَّ لَا شَفِیْعٍ﴾ [السجدۃ: ۴]
[اس کے سوا تمھارا کوئی سر پرست اور سفارشی نہیں ہے]
3۔﴿قُلْ لِلّٰہِ الشَّفَاعَۃُ جَمِیْعًا﴾ [الزمر: ۴۴]
[اے پیغمبر کہہ دو کہ ساری سفارش اللہ کے اختیار میں ہے]
4۔﴿یَوْمَئِذٍ لَّا تَنْفَعُ الشَّفَاعَۃُ اِلَّا مَنْ اَذِنَ لَہُ الرَّحْمٰنُ وَ رَضِیَ لَہٗ قَوْلًا﴾
[طٰہٰ: ۱۰۹]
[اس دن کسی کی شفاعت فائدہ نہ دے گی مگر جس کو رحمن سفارش کرنے کی اجازت دے اور اس کی بات پسند کرے]
5۔﴿لاَ تُغْنِیْ شَفَاعَتُھُمْ شَیْئًا اِِلَّا مِنْم بَعْدِ اَنْ یَّاْذَنَ اللّٰہُ لِمَنْ یَّشَآئُ وَیَرْضٰی﴾
[النجم: ۲۶]
[ان کی سفارش کچھ کام نہیں آسکتی، مگر اس کے بعد کہ اللہ حکم دے جس کے لیے چاہے اور پسند کرے]
ان آیتوں سے معلوم ہوا کہ شفاعت قیامت کے دن اسی کی ہوگی جس کو اللہ پسند کرے گا،
|