مجموعہ رسال عقیدہ

آٹھواں باب

سیرتِ سلف

اصحابِ حدیث ایک دوسرے کو اس بات کی وصیت کیا کرتے تھے کہ سونے کے بعد رات کو اٹھ کر تہجد کی نماز پڑھیں ، صلہ رحمی کریں ، سلام پھیلائیں ، کھانا کھلائیں ، فقرا، مساکین اور یتیموں پر شفقت کریں ، مسائلِ ملت سے دلچسپی رکھیں ، کھانے، پینے، پہننے اور نکاح کرنے میں عفت اختیار کریں ، صدقہ خیرات زیادہ کریں ، نیکی کے کام میں سبقت کریں ، دشمنی اور دوستی دین کی خاطر کریں ، دینِ الٰہی میں جدال سے احتراز کریں ، مذہبی نزاعات سے بچیں ، اہلِ بدعت و ضلالت سے الگ رہیں ، اصحابِ اہوا و جہالات سے عداوت رکھیں ، سلف صالحین کے مقتدی بنیں ، ائمہ دین اور علماے مسلمین کی عزت و ادب کریں اور اکابرِ اسلام کے طریقۂ دین پر چلیں ۔ انھوں نے جس دین مبین اور حق مبین کے ساتھ تمسک کیا تھا، اسی کو پکڑے رہیں اور بدعتیوں کی بدعات ایجاد کرنے کے سبب ان سے بے زار رہیں ، ان سے بات چیت ترک رکھیں ، ان کی مصاحبت اور مجالست سے احتراز کریں اور ان سے بحث و مباحثہ نہ کریں ، تا کہ ان کے اوہام، و ساوس اور اباطیل سے محفوظ رہیں ۔ رب پاک نے اسی سلسلے میں فرمایا:

﴿ وَ اِذَا رَاَیْتَ الَّذِیْنَ یَخُوْضُوْنَ فِیْٓ اٰیٰتِنَا فَاَعْرِضْ عَنْھُمْ حَتّٰی یَخُوْضُوْا فِیْ حَدِیْثٍ غَیْرِہٖ﴾[الأنعام: ۶۸]

[اور جب ہماری آیتوں میں لوگوں کی عقل خرامی دیکھو تو ان سے الگ رہو تا کہ وہ دوسری بات میں لگ جائیں ]

بدعتیوں کی بدعت پسندی کی سب سے بڑی نشانی یہ ہے کہ محدثین اور اہلِ حدیث سے انھیں سخت عداوت ہوتی ہے اور انھیں حقیر جانتے ہیں ، ان کو حشویہ، جہلہ، ظاہر یہ اور مشبہہ کہتے ہیں ۔ ان کا سارا عمل حدیثِ نبوی صلی اللہ علیہ وسلم کے خلاف ہوتا ہے۔ ان کے نزدیک علم وہی ہے جو عقل کی حیرانی، شیطان