Maktaba Wahhabi

33 - 227
مبحث اوّل قرض اور اس کی شرعی حیثیت قرض کے حوالے سے گفتگو کرتے ہوئے قرض کے مفہوم، اس کی شرعی حیثیت اور دائرہ کو جاننا ضروری ہے۔ توفیقِ الٰہی سے اس مقام پر انہی تین نکات کے بارے میں گفتگو کی جارہی ہے۔ (۱) قرض کا مفہوم لغوی معنی: [القرض]عربی زبان کا لفظ ہے، جو کہ[قَرَضَ یَقْرِضُ][ضَرَبَ یَضْرِبُ]کے وزن پر ہے اور اس کا معنی کاٹنا[اَلْقَطعُ]ہے۔ [1] کسی جگہ سے گزر کر جانے کو بھی[قرض]کہتے ہیں جیساکہ اس کو[قطع]کہتے ہیں۔ ارشادِ باری تعالیٰ ہے: وَإِذَا غَرَبَتْ تَقْرِضُهُمْ ذَاتَ الشِّمَالِ [2] ’’اور جب[سورج]غروب ہوتا ہے، تو ان سے بائیں طرف کو کترا کر جاتا ہے۔‘‘ [3]
Flag Counter