Maktaba Wahhabi

56 - 75
اور دوسری روایت میں ہے: ((اِنَّمَا ہُوَ عِرْقٌ وَلَیْسَتْ بِالْحَیْضِ )) [1] ’’یہ حیض نہیں بلکہ ایک رَگ کا خون ہے۔‘‘ ایسی عورت کو قرآنی آیات و سورتوں کا وہ دَم کریں جو کہ سحرِ تفریق و نزاع کے ضمن میں ذکر کیا گیاہے۔ نیز اُسے شرعی پردے کی پابندی کی تاکید کریں ، وہ بر وقت نمازیں اداکرے، گانے و موسیقی سے کلّی اجتناب کرے ، سونے سے پہلے وضو کرلیا کرے اور آیۃ الکرسی ضرور پڑھا کرے اور مُعوِّذات (تینوں قُل ) پڑھ کر اپنی ہتھیلیوں پر دَم کرے اور انھیں اپنے پورے جسم پر پھیرلے ۔ آیۃ الکرسی اور مُعوِّذات کو دن بھربار بار پڑھے یا کسی سے سنے یا پھر ایک گھنٹے کی کیسٹ میں بار بار آیۃ الکرسی ریکارڈ ہو، اسے روزانہ ایک بار سنے ۔ ایسے ہی بار بار مُعوِّذات پڑھے یاان کا بھی ایک کیسٹ روزانہ سنے ۔ اسے پانی پر سحرِ تفریق و نزاع والا دَم کرکے دیں جسے وہ ہر تیسرے دن پیتی اور غسل کرتی رہے ۔ تقریباً ایک ماہ کے اس عمل سے وہ اِنْ شآء اللّٰہ شفاء یاب ہوجائے گی۔ [8] سحرِ بندش کا علاج ودَم: کبھی ایسا بھی ہوتا ہے کہ جادو کے اثر سے ایک تندرست آدمی اپنی بیوی سے جماع نہیں کر سکتا اور یہی حالت مردوزن دونوں کے ساتھ ہی پیش آسکتی ہے، اسکا علاج یہ ہے:
Flag Counter