Maktaba Wahhabi

قراءت قرآنیہ مستشرقین اور ملحدین کی نظر میں

مؤلف: قاری صہیب احمد میر محمدی

ناشر: کلیۃ القرآن الکریم والتربیۃ الاسلامیہ

134
وَلَا مِنْ خَلْفِہِ تَنْزِیلٌ مِنْ حَکِیمٍ حَمِید﴾ یعنی’’ باطل اس کے آگے سے راہ پا سکتا ہے نہ پیچھے سے،کیونکہ یہ حکیم و حمید ذات کی طرف سے نازل کیا گیا ہے۔‘‘ اور﴿إِنَّا نَحْنُ نَزَّلْنَا الذِّکْرَ وَإِنَّا لَہُ لَحَافِظُونَ﴾ یعنی ’’ہم نے ہی اس ذکرکو نازل کیا ہے اور ہم ہی اس کی حفاظت کریں گے۔‘‘ نیز ابن عباس رضی اللہ عنہ و دیگر کی طرف اس روایت کے غلط منسوب ہونے کی تائید اس بات سے بھی ہوتی ہے کہ کلامِ عرب میں لفظ ’’ تَسْتَأْنِسُوا‘‘ کا مفہوم اور توجیہ بالکل واضح ہے۔اس کی دلیل یہ ہے کہ عمرفاروق رضی اللہ عنہ نے رسول اللہ صلی اللہ علیہ وسلم کے دروازے پر کھڑے ہو کر ان الفاظ میں اجازت طلب کی:((َٔسْتَأْنِسُ یَا رَسُولَ اللّٰہ)) [1] ’’اے اللہ کے رسول!کیا مجھے اندر آنے کی اجازت ہے؟ اس حدیث سے واضح ہوتا ہے کہ لفظ ’’إستأنس‘‘ عربی زبان میں ’’إستأذن‘‘ کے معنی میں استعمال ہوتا ہے۔ تو عبد اللہ بن عباس رضی اللہ عنہما اس بارے میں رسول اللہ صلی اللہ علیہ وسلم کے صحابہ رضی اللہ عنہم کو بھلا کیسے غلط قرار دے سکتے تھے؟ نیز اس روایت کے خود ساختہ ہونے کی ایک اہم دلیل یہ بھی ہے کہ ابن ابی حاتم،ابن الانباری،ابن جریر اور ابن مردویہ رحمہم اللہ نے ابن عباس رضی اللہ عنہ کے بارے میں نقل کیا ہے کہ انہوں نے ’’ تَسْتَأْنِسُوا‘‘ کی تفسیر کرتے ہوئے فرمایا:’’صاحب خانہ میں سے جو اجازت دینے کا مجاز ہو،اس سے اجازت طلب کر لو۔‘‘ ان دلائل سے یہ حقیقت واضح ہوتی ہے کہ ابن عباس رضی اللہ عنہ نے ’’ تَسْتَأْذِنُوا‘‘ کو بطور تفسیر ذکر کیا ہے بطور قراء ت ذکر نہیں کیا۔ ہم اس بحث کا اختتام ابو بکر محمد بن بشار الانباری رحمہ اللہ کے اس حوالے سے نہایت موزوں اقتباس سے کرتے ہیں۔ وہ فرماتے ہیں: ’’اہل فضل ودانش ہمیشہ سے حق و انصاف کے مطابق قرآن کریم کے شرف اور اس کے عظیم الشان مقام کا اعتراف کرتے رہے اور ملحدین کی دسیسہ کاریوں،گمراہوں کی تلبیسات اوراہل باطل کی تحریفات کو بے نقاب کرتے رہے ہیں۔
x
صفحہعنوان
5مقدمہ
11گولڈزیہر کے نقطہ نظر کا جائزہ:
16گولڈزیہر کے نقطہ نظر کا جائزہ:
20گولڈ زیہر کے نزدیک اختلاف قراءات کے اسباب اور اس کی تردید:
21گولڈ زیہرکی رائے کا تجزیہ:
68قراءات عشرۃ کے تواتر پر مزید دلائل:
69قراءات عشرۃ کے تواترپر علماء کی تصریحات:
73ان آیات کی حقیقت جن سے گولڈ زیہر نے استشہاد کیا ہے:
76گولڈ زیہر کی رائے کا تجزیہ:
78گولڈ زیہر کی رائے کا تجزیہ:
80گولڈ زیہر کی رائے کا تجزیہ:
85گولڈ زیہر کی پہلی بات کا جائزہ:
88گولڈ زیہر کی پہلی بات کا جائزہ:
91قراءات کے متعلق گولڈ زیہر کے دیگرخیالات کا تجزیہ:
109گولڈ زیہر کی کج فہمی:
110گولڈ زیہر کی سخن سازی کا جائزہ:
113گولڈ زیہر کی بد دیانتی کا جائزہ:
113پہلی قراء ۃ ’’ کُذِّبُوا ‘‘ کی توجیہ:
114دوسری قراء ۃ ’’ کُذِبُوا ‘‘ کی توجیہات:
115تیسری قراء ۃ ’’ کَذَبُوا ‘‘ کی توجیہات:
121گولڈ زیہر کی مغالطہ آرائی اوراس کا تجزیہ:
128گولڈ زیہر کے استدلال کا تجزیہ:
130گولڈ زیہر کی خیال آرائی کا جائزہ:
135گولڈ زیہر کی کذب بیانی اوراس کا تجزیہ:
138گولڈ زیہر کی ایک اور خیال آرائی اور اس کا تجزیہ
138تجزیہ
139گولڈ زیہر کی زہر افشانی اور اس کا ردّ:
144گولڈ زیہر کا خیالِ خام اور اس کا تجزیہ
145گولڈ زیہر اپنی کتاب کے صفحہ 53 پر لکھتا ہے:
148گولڈ زیہر کی بد دیانتی کا تجزیہ:
Flag Counter