| (570) مرد کی خوبصورتی کے لیے عمل جراحی السلام علیکم ورحمة اللہ وبرکاتہ میں اٹھارہ سال کی عمر کا ایک نوجوان ہوں ، چار سال پہلے میرے پستان بڑھنا شروع ہوگئے اور ساتھ کچھ درد بھی ہوتا تھا ۔ کچھ مدت بعد الحمدللہ درد تو ختم ہوگیا لیکن پستان بدستور ہوئے ہیں حتی کہ کپڑوں کےنیچے سے بھی نمایاں طور پر نظر آتے ہیں میں نےاس کے بارہ میں جب سپیشلسٹ سے رابطہ کیا تو اس نے بتایا کہ آپریشن کرکے پستانوں کے اس ابھار کو آسانی سے ختم کیا جاسکتا ہے ۔ سوال یہ ہے کہ اس طرح کا آپریشن جائز ہے ۔ یادرہے پستانوں نے اس ابھار کی وجہ سے مجھے دوسروں کے سامنے بہت شرمندگی محسوس ہوتی ہے ؟ الجواب بعون الوہاب بشرط صحة السؤال وعلیکم السلام ورحمة اللہ وبرکاتہ! الحمد للہ، والصلاة والسلام علیٰ رسول اللہ، أما بعد! آپ کے لیے پستانوں کے اس ابھار کو ختم کرنے کے لیے آپریشن کرانا جائز ہے بشرطیکہ ظن غالب یہ کہ یہ آپریشن کامیاب رہے گا اور اس سے کوئی ایسا نقصان نہیں ہوگا جو اس کے فائدہ سےزیادہ یا اس کے برابر ہو ۔ ھذا ما عندی واللہ اعلم بالصواب فتاویٰ اسلامیہ ج4ص433 |
| Book Name | اجتماعی نظام |
| Writer | متفرق |
| Publisher | متفرق |
| Publish Year | متفرق |
| Translator | متفرق |
| Volume | متفرق |
| Introduction | فتاوے متففرق جگہوں سے ، مختلف علما کے، مختلف کتابوں سے نقل کئے گئیے ہیں۔ البتہ جمع و ترتیب محدث ٹیم نے ، تصحیح و تنقیح المدینہ اسلامک ریسرچ سینٹر نے کی ہے |