کیا مدرسے کے طلباء کیرم بورڈ کا کھیل کھیل سکتے ہیں ؟ السلام علیکم ورحمة اللہ وبرکاتہ کیا مدرسے کے طلباء کیرم بورڈ کا کھیل کھیل سکتے ہیں جبکہ مدرسہ میں جگہ کی بھی تنگی ہو ۔؟ الجواب بعون الوہاب بشرط صحة السؤال وعلیکم السلام ورحمة اللہ وبرکاتہ! الحمد للہ، والصلاة والسلام علیٰ رسول اللہ، أما بعد! مدرسے کے طلباء ہوں یا کوئی اور ۔ہر وہ کھیل جس سے وقت ضائع ہوتا ہو یا اس پر کوئی جوا لگایا گیا ہو یا وہ شرعی طور پر حرام ہو تو اس کھیل سے کھیلنا ہر کسی کے لئے حرام ہے۔اور میں سمجھتا ہوں کہ بعض کھیلیں ایسی ہیں جو شریف لوگوں کی طرف منسوب نہیں ہوتی ہیں ،جن میں سے ایک کیرم بورڈ بھی ہے۔لہذا مدرسے کے طلباء کو اس طرح کی مشکوک کھیلوں سے اجتناب کرنا چاہئے اور ایسے کھیل کھیلنے چاہئیں جن سے جسمانی ورزش بھی ہوتی ہو اور ا ن کا کوئی تعلیمی حرج بھی نہ ہوتا ہو۔ ھذا ما عندی واللہ اعلم بالصواب فتوی کمیٹی محدث فتوی |
Book Name | اجتماعی نظام |
Writer | متفرق |
Publisher | متفرق |
Publish Year | متفرق |
Translator | متفرق |
Volume | متفرق |
Introduction | فتاوے متففرق جگہوں سے ، مختلف علما کے، مختلف کتابوں سے نقل کئے گئیے ہیں۔ البتہ جمع و ترتیب محدث ٹیم نے ، تصحیح و تنقیح المدینہ اسلامک ریسرچ سینٹر نے کی ہے |