(454) عمل قوم لوط کی خرابی السلام علیکم ورحمة اللہ وبرکاتہ دین میں لواطت کے بارے میں کیا حکم ہے؟ کیا یہ صحیح ہے کہ اس سے عرش الٰہی بھی کانپ اٹھتا ہے؟ امید ہے آپ اس سوال کا مکمل اور دلائل سے مدلل جواب عطا فرمائیں گے تاکہ میں اور دوسرے لوگ بھی اس فعل سے باز آ جائیں۔ وجزاکم اللہ کل الخیر۔ الجواب بعون الوہاب بشرط صحة السؤال وعلیکم السلام ورحمة اللہ وبرکاتہ! الحمد للہ، والصلاة والسلام علیٰ رسول اللہ، أما بعد! لواطت یعنی مردوں سے جنسی عمل کرنا یا عورتوں کی دبر میں جنسی عمل کرنا‘ یہ وہ گناہ ہے جو حضرت لوط علیہ السلام کی قوم کیا کرتی تھی۔ جیسا کہ ارشاد باری تعالیٰ ہے: ﴿أَتَأتونَ الذُّکرانَ مِنَ العـٰلَمینَ ﴿١٦٥﴾... سورة الشعراء ’’کیا تم اہل جہاں میں سے لڑکوں پر مائل ہوتے ہو؟‘‘ ﴿أَئِنَّکُم لَتَأتونَ الرِّجالَ شَہوَةً مِن دونِ النِّساءِ ۚ... ﴿٥٥﴾... سورة النمل ’’کیا تم عورتوں کو چھوڑ کر لذت (حاصل کرنے) کیلئے مردوں کی طرف مائل ہوتے ہو‘‘۔ اللہ تعالیٰ نے انہیں اس فعل کی سخت ترین سزا دی‘ ان کے گھروں کو الٹ دیا اور آسمان سے پتھروں کی بارش برسائی۔ جیسا کہ فرمایا ہے: ﴿جَعَلنا عـٰلِیَہا سافِلَہا وَأَمطَرنا عَلَیہا حِجارَةً مِن سِجّیلٍ مَنضودٍ ﴿٨٢﴾ مُسَوَّمَةً عِندَ رَبِّکَ ۖ وَما ہِیَ مِنَ الظّـٰلِمینَ بِبَعیدٍ ﴿٨٣﴾... سورة ہود ’’ہم نے اس (بستی) کو (الٹ کر) نیچے اوپر کر دیا اور ان پر تہ دار کھنگریلے پتھر برسائے جن پر تمہارے پروردگار کے ہاں سے نشان کیے ہوئے تھے اور وہ (بستی ان) ظالموں سے کچھ دور نہیں‘‘۔ تو جو شخص بھی اس جرم کا ارتکاب کرے‘ اسے یہی سزا ملنی چاہئے۔ بعض صحابہ کرامؓ نے یہ فتویٰ بھی دیا تھا کہ اسے آگ میں جلا دیا جائے اور بعض نے یہ فتویٰ دیا کہ اسے کسی بلند پہاڑ کی چوٹی سے گرا دیا جائے اور پھر پتھروں سے رجم کر دیا جائے۔ احادیث میں نبی ﷺ کا یہ ارشاد گرامی بھی موجود ہے: «مَنْ وَجَدْتُمُوہُ یَعْمَلُ عَمَلَ قَوْمِ لُوطٍ، فَاقْتُلُوا الْفَاعِلَ، وَالْمَفْعُولَ بِہِ » ( سنن أبی داؤد) ’’جسے تم عمل قوم لوط کرتے ہوئے پاؤ تو فاعل اور مفعول بہ (یہ کام کرنے اور کرانے والے دونوں) کو قتل کر دو‘‘۔ سائل کو اس موضوع پر حافظ ابن قیمؒ کی کتاب ’’الجواب الکافی‘‘ کا مطالعہ کرنا چاہئے‘ انہوں نے اس جرم کی قباحت کے بارے میں اس میں بہت کچھ ذکر فرمایا ہے۔ ھذا ما عندی واللہ اعلم بالصواب فتاویٰ اسلامیہ ج3ص409 |
Book Name | اجتماعی نظام |
Writer | متفرق |
Publisher | متفرق |
Publish Year | متفرق |
Translator | متفرق |
Volume | متفرق |
Introduction | فتاوے متففرق جگہوں سے ، مختلف علما کے، مختلف کتابوں سے نقل کئے گئیے ہیں۔ البتہ جمع و ترتیب محدث ٹیم نے ، تصحیح و تنقیح المدینہ اسلامک ریسرچ سینٹر نے کی ہے |