| (127)مندر کی جگہ مسجد بنانا السلام علیکم ورحمة اللہ وبرکاتہ ایک غیر مسلم کی زمین ہے اس میں ان کامندر بھی ہے وہ زمین غیر مسلم ایک مسلمان کو قیمتاًبیچتاہےکیاوہ مسلمان اس مندرکومٹاکراس کی جگہ پرمسجدتعمیرکراسکتا ہے؟ الجواب بعون الوہاب بشرط صحة السؤال وعلیکم السلام ورحمة اللہ وبرکاتہ! الحمد للہ، والصلاة والسلام علیٰ رسول اللہ، أما بعد! جب غیرمسلم نے وہ زمین بیچ کرمسلمان کو دے دی تووہ زمین اس خریدنے والے مسلمان کی ملکیت ہوگئی اب اس مندرمیں اس غیرمسلم کا کوئی بھی واسطہ نہیں لہذاوہ مسلمان اپنی ملکیت میں کسی بھی جائز نمونے سےتصرف کرسکتا ہے،یعنی وہ بغیر خوف وخطر کے اس مندرکو مٹاکراس کی جگہ مسجدتعمیرکراسکتا ہے یااس مندرکو ختم کرسکتا ہےاورتھوڑی بہت اس کی مرمت کرکےمسجد میں تبدیل کردےتوبھی جائز ہے اس میں کوئی قباحت نہیں ہے کیونکہ مندرمیں بت رکھے ہوئے ہوں توپھراس میں نماز پڑھنا جائز نہیں پراگراس میں بت نہ ہوں توپھروہ عام جگہوں کے مثل ایک جگہ ہے جس میں نماز پڑھنے کی ممانعت قرآن وسنت میں واردنہیں ہے جن جگہوں پرنماز پڑھنے کی ممانعت ہے ۔(مثلا مقبرہ یاحمام وغیرہ)ان میں سے یہ جگہ نہیں ہے لہذا نمازپڑھی جاسکتی ہے ۔ ھذا ما عندی واللہ اعلم بالصواب فتاویٰ راشدیہ صفحہ نمبر 481 |
| Book Name | اجتماعی نظام |
| Writer | متفرق |
| Publisher | متفرق |
| Publish Year | متفرق |
| Translator | متفرق |
| Volume | متفرق |
| Introduction | فتاوے متففرق جگہوں سے ، مختلف علما کے، مختلف کتابوں سے نقل کئے گئیے ہیں۔ البتہ جمع و ترتیب محدث ٹیم نے ، تصحیح و تنقیح المدینہ اسلامک ریسرچ سینٹر نے کی ہے |