| (352) سونے کا دانت لگانا یا اس پر خول چڑھانا السلام علیکم ورحمة اللہ وبرکاتہ بیان کیا جاتا ہے مرد کے لیے دانت کو سونے یا چاندی سے باندھنا جائز ہے،سوال یہ ہے کہ اگر سونے یا چاندی کا دانت لگوالیا جائے یا اس پر سونے یا چاندی کاخول چڑھا لیاجائے تو کتاب وسنت کی دلیل کی روشنی میں بتائیں کہ یہ جائز ہے یا ناجائز؟ الجواب بعون الوہاب بشرط صحة السؤال وعلیکم السلام ورحمة اللہ وبرکاتہ! الحمد للہ، والصلاة والسلام علیٰ رسول اللہ، أما بعد! قولاً اورعملاً ثابت یہ ہے کہ مردوں کے لیے سونا یا چاندی کے برتنوں کو استعمال کرنا یا ان چیزوں کو استعمال کرنا جنہیں سونے چاندی سے بنایا گیا ہو یا جن پر ان کی پالش کی گئی ہو حرام ہے۔ان میں صرف وہ چیز جائز ہے جس کے جواز کی دلیل ہو'مثلاً چاندی کے تار کے ساتھ ٹوٹے ہوئے برتن کو باندھنا ۔ سونے اور چاندی کے دانت یا ناک لگوانا یا ن پر خول چڑھانا ممانعت سے مستثنی ٰ نہیں ہے لہذا اصل یہ ہے کہ یہ حرام ہے کہ الاّ یہ کہ اس کی ضرورت ہوتو پھر ضرورت کی وجہ سے جائز ہوگا (یعنی جب سونے اور چاندی کے استعمال کے بغیر اور کوئی چارہ کار ہی نہ ہو تو پھر نظریہ ضرورت تحت جائز ہے) ھذا ما عندی واللہ اعلم بالصواب فتاویٰ اسلامیہ ج4ص276 |
| Book Name | اجتماعی نظام |
| Writer | متفرق |
| Publisher | متفرق |
| Publish Year | متفرق |
| Translator | متفرق |
| Volume | متفرق |
| Introduction | فتاوے متففرق جگہوں سے ، مختلف علما کے، مختلف کتابوں سے نقل کئے گئیے ہیں۔ البتہ جمع و ترتیب محدث ٹیم نے ، تصحیح و تنقیح المدینہ اسلامک ریسرچ سینٹر نے کی ہے |