حلال وحرام جانوروں کے جسم کا کون سا حصہ کھانا حرام ہے السلام علیکم ورحمة اللہ وبرکاتہ جانوروں کے جسم کے کون سے حصّے کھانا حرام ہے یا مکروہ ہیں۔؟ کیا ہم جانوروں کا دل کھا سکتے ہے۔؟ الجواب بعون الوہاب بشرط صحة السؤال وعلیکم السلام ورحمة اللہ وبرکاتہ الحمد للہ، والصلاة والسلام علیٰ رسول اللہ، أما بعد! شیخ صالح المنجد سے اس بارے جب سوال ہوا تو انہوں نے ذبیحہ کے تمام اعضاء کے کھانے کو مباح قرار دیا ہے۔ ان سے پوچھا گیا کہ کیا ذبیحہ کے خصیتین کھانا جائز ہے۔؟ تو انہوں نے جواب دیا کہ ذبیحہ کےخصیتین کھانا جائز ہے، کیونکہ ان کے عدم جواز پر کوئی دلیل نہیں ہے اور ان میں اصل اباحت ہے۔ ’مدونہ“ میں ہے کہ گوشت کے ساتھ ملی ہوئی چربی،جگر،معدہ یااوجھڑی،دل،پھیپھڑے،تلی،گرد ے،گردن،خصیتین یا کپورے،پائے اور سری وغیرہ کا حکم وہی ہے جو گوشت کا ہے۔ ھذا ما عندی واللہ اعلم بالصواب محدث فتوی فتوی کمیٹی |
Book Name | اجتماعی نظام |
Writer | متفرق |
Publisher | متفرق |
Publish Year | متفرق |
Translator | متفرق |
Volume | متفرق |
Introduction | فتاوے متففرق جگہوں سے ، مختلف علما کے، مختلف کتابوں سے نقل کئے گئیے ہیں۔ البتہ جمع و ترتیب محدث ٹیم نے ، تصحیح و تنقیح المدینہ اسلامک ریسرچ سینٹر نے کی ہے |