کیاایک بکری کی ادھار کی صورت میں دوبکریوں سے بیع جائز ہے السلام علیکم ورحمة اللہ وبرکاتہ کیا ایک بکری کی اس طرح بیع جائز ہے کہ مثلاً بیس سال یا اس سے زیادہ مدت بعد دویا تین بکریاں دی جائیں؟ الجواب بعون الوہاب بشرط صحة السؤال وعلیکم السلام ورحمة اللہ وبرکاتہ الحمد للہ، والصلاة والسلام علیٰ رسول اللہ، أما بعد! علماءکے صحیح ترین قول کے مطابق معین اورحاضر حیوان کی بیع ایک یا ایک سے زیادہ حیوانوں کے ساتھ جائز ہےجب کہ مدت معلوم ہو اورمدت خواہ قریب ہویا بعید اورخواہ متبادل حیوانوں کو قسطوں کی صورت میں اداکیا جائے جب کہ بطورثمن اداکئے جانے والے جانور اپنی صفات کے ساتھ ممتاز ہوں۔۔۔۔خواہ جانور فروخت شدہ جانور کی جنس سے ہویا کسی اورجنس سے کیونکہ نبی کریم صلی اللہ علیہ وسلم سے ثابت ہے کہ آپ صلی اللہ علیہ وسلم نے ایک اونٹ خریدا کہ جب آپؐ کے پاس صدقہ کے اونٹ آئیں گے توآپؐ دواداکریں گے۔’’ (حاکم وبیہقی۔۔۔اس حدیث کی سند کے رجال ثقہ ہیں) مقالات وفتاویٰ ابن باز صفحہ 302 |
Book Name | اجتماعی نظام |
Writer | متفرق |
Publisher | متفرق |
Publish Year | متفرق |
Translator | متفرق |
Volume | متفرق |
Introduction | فتاوے متففرق جگہوں سے ، مختلف علما کے، مختلف کتابوں سے نقل کئے گئیے ہیں۔ البتہ جمع و ترتیب محدث ٹیم نے ، تصحیح و تنقیح المدینہ اسلامک ریسرچ سینٹر نے کی ہے |