Maktaba Wahhabi

محدث شمارہ 286

مؤلف: حافظ عبد الرحمن مدنی

ناشر: مجلس التحقیق الاسلامی لاہور

سال شائع: فروری و مارچ 2005ء

184
ہیں ۔آگ کے شعلوں کی لپیٹ ان کے چہروں کو جھلستی ہوگی اور ان میں منہ بگاڑے پڑ ے ہوں گے۔“ حضرت ابن عباس رضی اللہ عنہ ’كالحون‘ کی یہ تفسیر کرتے ہیں کہ ”ان کے منہ اس طرح بگڑ جائیں گے جس طرح بکرے کی سری آگ میں بھوننے سے اس کا منہ بگڑ جاتا ہے۔ “ (3) اور یہ چاروں طرف سے آگ میں گھرے ہوں گے: ﴿لَوْ يَعْلَمُ الَّذِيْنَ كَفَرُوْا حِيْنَ لاَ يَكُفُّوْنَ عَنْ وُّجُوْهِهِمُ النَّارَ وَلاَ عَنْ ظُهُوْرِهِمْ وَلاَ هُمْ يُنْصَرُوْنَ﴾(الانبیاء: 39) ”کاش کافر اس وقت کو جان لیں جس وقت وہ اپنے چہروں اور پیٹھوں سے آگ کی لپٹوں کو روک نہ سکیں گے اور نہ ہی اس وقت ان کا کوئی پرسانِ حال ہوگا۔“ (4) اور ان کے چہرے اس آگ میں اس طرح اچھل کود اور تڑپ رہے ہوں گے جس طرح مچھلی گرم تیل کے کڑاہے میں تڑپتی ہے : قرآن اس ہولناک اور دل فگار منظر کا نقشہ ان الفاظ میں کھینچتا ہے: ﴿يَوْمَ تُقَلَّبُ وُجُوْهُهُمْ فِيْ النَّارِ يَقُوْلُوْنَ يٰلَيْتَنَا أَطَعْنَا اللهَ وَأَطَعْنَا الرَّسُوْلاَ﴾ ”جس روز ان کے چہرے آگ میں الٹ پلٹ کئے جائیں گے، اس وقت وہ کہیں گے کہ کاش ہم نے اللہ اور اس کے رسول کی اطاعت کی ہوتی۔“ (الاحزاب:66) (5) جہنمیوں کو زنجیروں اور طوقوں میں جکڑکر آگ میں اوندہے منہ گھسیٹا جائے گا: ﴿إنَّ الْمُجْرِمِيْنَ فِيْ ضَلٰلٍ وَّسُعُرٍ# يَوْمُ يُسْحَبُوْنَ فِيْ النَّارِ عَلٰى وُجُوْهِهِمْ ﴾ (القمر:47،48) ”یہ مجرم لوگ درحقیقت غلط فہمی میں مبتلا ہیں اور ان کی عقل ماری گئی ہے جس روز یہ منہ کے بل آگ میں گھسیٹے جائیں گے ،اس روز ان سے کہا جائے گا کہ چکھو جہنم کی لپٹ کا مزہ۔ “ ﴿فَسَوْفَ يَعْلَمُوْنَ إِذِ الأَغْلٰلُ فِىْ أَعْنَاقِهِمْ وَالسَّلٰسِلُ يُسْحَبُوْنَ﴾ ”جلد ہی انہیں معلوم ہوجائے گا جب طوق ان کی گردنوں میں ہوں گے اور بیڑیاں (ان کے پاوٴں میں ) جن سے پکڑ کر وہ کھولتے ہوئے پانی کی طرف کھینچے جائیں گے،پھر دھکتی ہوئی آگ میں جھونک دیے جائیں گے۔“ (المومن:71)
x
صفحہعنوان
86دینی مدارس کا امتیازی کردار اور امریکی مہم
112قرآن فہمی اورحدیث ِنبوی
116بدعت کی اقسام اور احکام
137نبی کریم صلی اللہ علیہ وسلم کی اولاد، بہو کو بوسہ دینا، دم کے بعد تھتکارنا
145’آغا خانی‘… ایک اسماعیلی فرقہ
151کیا آغا خانی مسلمان ہیں ؟
170أہل السنۃ کے نزدیک اہل بیت ِکرام رضی اللہ عنہم کا مرتبہ و مقام
183آتش جہنم ذلت و رسوائی کاگھر ہے!
200روپرٹ مردوخ ’شہنشاہ عالم!‘
205شیخ علامہ عبدالعزیز پرہاروی رحمۃ اللہ علیہ
Flag Counter