Maktaba Wahhabi

محدث شمارہ 244

مؤلف: حافظ عبد الرحمن مدنی

ناشر: مجلس التحقیق الاسلامی لاہور

سال شائع: دسمبر 2000ء و جنوری 2001ء

نے چابی پھر عثمان بن طلحہ کو لوٹا دی جو مدت سے بیت الله کا کلید بردار چلا آ رہا تھا۔اگر آپ چاہتے تو یہ چابی اپنے خاندان والوں کو بھی عطا کر سکتے تھے لیکن آپ نے چابی اصل حقدار کو لوٹا دی۔ کنواں زم زم کا ڈول:آبِ زم زم کے کنویں کا ڈول آپ نے اس لئے خود نہ نکالا کہ کہیں قریش والے (ہاشمی) اس کو اپنا ہی حق نہ سمجھ لیں اور اس طرح دوسروں کی حق تلفی نہ ہو جائے۔ آخری خطبہ:اس تاریخی و بے مثال خطبہ میں جہاں آپ نے ذات پات‘ رنگ و نسل کے بتوں کو پاش پاش کیا، عورتوں اور غلاموں سے نیک سلوک کا حکم دیا۔ سود اور زمانہ جاہلیت کے تمام جھگڑوں کو ختم فرمایا، وہاں آپ کے الفاظ یہ بھی ہیں :”اپنے آپ کو بے انصافی سے بچائے رکھو“ وصال سے چند روز قبل:دنیا میں آج تک ایسا کوئی عادل نہیں گزرا جو یہ بات وثوق سے کہہ سکے کہ اس نے کبھی کسی سے ناانصافی نہیں کی اور اس پر اپنے آپ کو محاسبہ کے لئے پیش کرے لیکن آفرین صد آفرین اس اُمی عادل صلی اللہ علیہ وسلم پرکہ جس نے راہِ عدم کو سدھارتے ہوئے بھی کہا تھا: ”اگر کسی شخص کا حق مجھ پر ہو تو بتا دے“ ایک نے کہا کہ حضور نے ایک مسکین کو مجھ سے تین درہم دلائے تھے‘ وہ نہیں ملے۔ یہ درہم آنحضرت نے اسی وقت ادا کر دیئے۔ مندرجہ بالا تمام واقعات اس بات کا زندہ و پائندہ ثبوت ہیں کہ آپ نے ہر حال میں طالبانِ انصاف سے انصاف کیا۔ لیکن آج جب ہم اپنے ارد گرد نظر دوڑا کر دیکھتے ہیں تو انسانیت تڑپتی اور سسکتی ہوئی نظر آتی ہے۔ آج منصف کی آنکھوں میں زر و جواہر کی خاک ڈال کر اندھا کر دیا جاتا ہے۔ اس کے ضمیر و قلم کو سفارش و رشوت کی زنجیروں سے جکڑ دیا جاتا ہے تاکہ وہ صحیح فیصلہ کرنے سے قاصر رہے۔ آج وہ دور آ گیا ہے کہ لوگوں کو ناکردہ گناہوں کی پاداش میں سالوں کوٹھڑیوں میں بند رکھا جاتا ہے۔ ماں کی کوکھ سے آزاد جنم لینے والے انسان کو حق کا ساتھ دینے کے جرم میں جو رو جفا کی چکی میں پیسا جاتا ہے۔ حصولِ انصاف کا طریقہ بھی اس قدر فرسودہ اور ناکارہ ہے کہ انصاف کے طالبوں کو سالوں انتظار کرنا پڑتا ہے۔ حالانکہ ٹھوس شہادتیں موجود ہوتی ہیں ۔ لیکن انصاف کے موجودہ ناخدا بندہٴ ہوا و ہوس اس بات کے منتظر رہتے ہیں کہ کوئی آئے اور ان کی داڑھ گرم کرنے کا سامان پیدا کرے۔ اگر یہ بات نہیں ہے تو کوئی بتائے کہ بالکل سیدھے سادھے مقدمات کو نمٹانے کے لئے لوگوں کو سالوں عدالتوں کے چکر کیوں کاٹنے پڑتے ہیں ۔ قابل ستائش تھا وہ دور جب لوگ ہر لحاظ سے محفوظ تھے، کسی کی جان و آبرو کو کوئی کھٹکا نہیں تھا۔ آج ہمارے معاشرے کو اس طرزِ انصاف کی ضرورت نہیں بلکہ اس عدل و انصاف کی ضرورت ہے جس کی طرح نبی ٴعادل محمد صلی الله علیہ علیہ وآلہ وسلم اور دیگر خلفائے راشدین و صحابہ کرام نے ڈالی تھی !
x
صفحہعنوان
2رمضان المبارک اور تین قسم کے لوگ
14رمضانُ المبارک کے اَحکام ومسائل
35عید الفطر فلسفہ اور اَحکام
41٭ کیا میت کے لئے نمازِ جنازہ سے فراغت کے فوراً بعد دعا کرنا جائز ہے؟
46عدل وانصاف کے پیکر …حضورِ اکرم صلی اللہ علیہ وسلم
56اُمت ِمسلمہ کے مسائل او ر لائحہ عمل
64بین الاقوامی اِسلامی کانفرنس … مختصر روداد
85پاکستان میں اَقلیتیں … ایک نظر میں !
101جامعہ لاہور الاسلامیہ میں تقریب ِختم بخاری … محفل تجوید و قرآء ات‎
109’اِسلامک انسٹیٹیوٹ ‘ کی سرگرمیاں
116اِشاریہ ماہنامہ مُحدّث لاہور جنوری ۲۰۰۰ء تا دسمبر ۲۰۰۰ء… جلد ۳۲ ، عدد ا تا ۱۲
Flag Counter