دعا کے مسائل

مسئلہ نمبر 211 گناہ مٹانے والے کلمات یہ ہیں۔

عَنْ اَنَسٍ ٰرضی اللّٰه عنہ اَنَّ رَسُوْلَ اللّٰہِ صلی اللّٰه علیہ وسلم مَرَّ عَلٰی شَجَرَۃٍ یَابِسَۃِ الْوَرَقِ فَضَرَبَہَا بِعَصَاہُ فَتَنَاثَرَ الْوَرَقُ، فَقَالَ((اَلْحَمْدُ لِلّٰہِ وَ سُبْحَانَ اللّٰہِ وَ لاَ اِلٰـہَ اِلاَّ اللّٰہُ وَاللّٰہُ اَکْبَرُ[ لَتُسَاقِطُ مِنْ ذُنُوْبِ الْعَبْدِ کَمَا تَسَاقَطَ وَرَقُ ہٰذِہِ الشَّجَرَۃِ))رَوَاہُ التِّرْمِذِیُّ[1]

حضرت انس رضی اللہ عنہ سے روایت ہے کہ رسول اللہ صلی اللہ علیہ وسلم ایک خشک پتوں والے درخت کے پاس سے گزرے تو اسے اپنی لاٹھی سے مارا‘ تو اس سے پتے(ٹوٹ کر)بکھر گئے۔آپ صلی اللہ علیہ وسلم نے ارشاد فرمایا((حمد اللہ کے لئے ہے‘ اللہ پاک ہے‘ اللہ کے سوا کوئی الٰہ نہیں‘ اللہ سب سے بڑا ہے۔))کہنا اسی طرح گناہوں کو مٹا دیتا ہے جس طرح(لاٹھی مارنے سے)اس درخت کے(خشک)پتے جھڑتے ہیں۔‘‘اسے ترمذی نے روایت کیا ہے۔

مسئلہ نمبر212 ’’لَا اِلٰہَ اِلاَّ اللّٰہ‘‘ ساتوں زمین و آسمان اور ان میں موجود تمام چیزوں سے بھاری ہے۔

عَنْ جَابِرٍرضی اللّٰه عنہ قَالَ : قَالَ رَسُوْلُ اللّٰه صلي اللّٰه عليه وسلم((اَفْضَلُ الذِّکْرِ ] لاَ اِلٰـہَ اِلاَّ اللّٰہُ[ وَ اَفْضَلُ الدُّعَاءِ ] اَلْحَمْدُ لِلّٰہِ [))

رَوَاہُ التِّرْمِذِیُّ[2] (صحیح)

حضرت جابر رضی اللہ عنہ کہتے ہیں رسول اللہ صلی اللہ علیہ وسلم نے فرمایا’’بہترین ذکر((لاَ اِلٰہَ اِلاَّ اللّٰہ))اور بہترین پکار((اَلْحَمْدُلِلّٰہِ))ہے۔‘‘اسے ترمذی نے روایت کیا ہے۔

مسئلہ نمبر 213 جنت کے خزانے سے دیا گیا کلمہ یہ ہے۔

عَنْ اَبِیْ ذَرٍّ رضی اللّٰه عنہ قَالَ لِیْ رَسُوْلُ اللّٰه صلي اللّٰه عليه وسلم((اَلاَ اَدُلُّکَ عَلٰی کَنْزٍ مِنْ کُنُوْزِ الْجَنَّۃِ ؟))قُلْتُ : بَلٰی یَا رَسُوْلَ اللّٰہِ صلی اللّٰه علیہ وسلم ! قَالَ ] لاَ حَوْلَ وَلاَ قُوَّۃَ اِلاَّ بِاللّٰہِ[ رَوَاہُ ابْنُ مَاجَۃَ [3](صحیح)

حضرت ابوذر رضی اللہ عنہ کہتے ہیں مجھے رسول اللہ صلی اللہ علیہ وسلم نے فرمایا’’ کیا میں تجھے جنت کے خزانوں میں سے ایک خزانے کے بارے میں آگاہ نہ کروں؟‘‘ میں نے عرض کیا ’’یا رسول اللہ صلی اللہ علیہ وسلم ! ضرور آگاہ