| (۷) انگو ٹھی دونوں ہاتھوں میں سے کسی میں بھی پہنی جا سکتی ہے ۔ [بخاری و مسلم] مردوں کے لیے انگو ٹھی سمیت کو ئی بھی سونے کا زیور پہننا حرام ہے ۔ [مسلم] تشہد والی انگلی اور اس سے متصل (بیچ والی)انگلی میں انگو ٹھی پہننا منع ہے ۔ [مسلم] (۸) لباس کی صفائی ستھرا ئی کا بہت خیال رکھنا چاہیے ۔اللہ تعالیٰ کا فر مان ہے ﴿وَثِیَابَکَ فَطَہِّرْ ﴾(اپنے کپڑوں کو پاک صاف رکھیں) بالخصوص مسجد میں جمعہ و جماعت کے لیے جاتے وقت با وقار اور صاف ستھرا لباس پہن کر جائیں ۔ ﴿یَا بَنِیْ آدَمَ خُذُواْ زِیْنَتَکُمْ عِندَ کُلِّ مَسْجِدٍ ﴾ (۹) مردوں کا سَتر جسے دوسروں کے سامنے ڈھانکنا ضروری ہے ناف سے لے کر گھٹنے تک ہے اور عورتوں کا سَتر اپنے محرموں کے سامنے چہرہ اور ہتھیلیوں کو چھوڑ کر پورا جسم ہے ۔اور اجنبی مرد کے سامنے پو را جسم ۔ (۱۰) نیا کپڑا پہننے کی دعا یہ ہے : (۱) اَلْحَمْدُ لِلّٰہِ الَّذِیْ کَسَانِیْ ھٰذَا الثَّوْبَ وَرَزَقَنِیْہِ مِنْ غَیْرِ حَوْلٍ مِنِّیْ وَلَا قُوَّۃٍ [مسلم] (۲)اَللّٰھُمَّ لَکَ الْحَمْدُ ،اَنْتَ کَسَوْتَنِیْہِ ،اَسْاَلُکَ مِنْ خَیْرِہٖ وَ خَیْرِ مَا صُنِعَ لَہٗ وَ اَعُوْذُ بِکَ مِنْ شَرِّہِ وَشَرِّ مَا صُنِعَ لَہٗ ۔ [ابو داود ،ترمذی ۔ صحیح] (۱۱) کپڑوں کو دا ہنی طرف سے پہننا شروع کریں ، مثلا ً پہلے داہنی آستین میں ہاتھ ڈالیں ۔ [بخاری و مسلم] (۱۲) جو تا چپل پہنتے وقت پہلے داہنا پہنیں اور نکا لتے وقت پہلے بایاں نکالیں ۔ (بخاری و مسلم) ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |