| فتنہ شہادتِ عثمان رضی اللہ عنہ کا دوسرا سبب فتنہ انگیزی کے سلسلے میں بدوؤں کا کردار فتنہ انگیزی کے سلسلے میں ان بدوؤں نے بھی نہایت گھناؤنا کردار ادا کیا تھا جن کے دلوں میں ایمان نے گھر نہیں کیا تھا۔ ان کا تعلق مضر، ربیعہ اور یمن کے مختلف قبائل سے تھا جو بادیہ میں آباد تھے اور لڑائیاں کرنا ان کی زندگی کا واحد مقصد تھا۔ اسی بدمزاجی اور تند خوئی کے ہمراہ یہ لوگ اسلام کے دائرے میں آئے تھے۔ قبول اسلام کے بعد بدو تین اصناف میں بٹ گئے تھے۔ ایک صنف تو وہ تھی جس کے اسلام میں بے حد خوبی آئی اورایمان نے حقیقی معنوں میں اس کے دل میں گھر کیا۔ دوسری صنف ان بدوؤں پر مشتمل تھی جو مسلمانوں کے ڈر سے یا مال غنیمت کے لالچ میں اسلام لائے تھے۔ ایسے بدو منافق تھے۔ تیسری صنف میں وہ بدو شامل تھے جو انتہا پسندی کی حد تک عبادت گزار اور تارک دنیا تھے۔ دین کے معاملات میں ہٹ دھرمی اور شدت پسندی ان کی نمایاں خصوصیات تھیں۔ یہ متشدد افراد قرآنی آیات اور احادیث نبوی کی اس تاویل و تشریح پر یقین رکھتے تھے جو ان کے سخت مزاج سے ہم آہنگ ہوتی تھی۔ دینی احکامات کا نہایت سطحی فہم رکھنے والے نہایت جذباتی لوگ تھے |