Maktaba Wahhabi

374 - 406

ایک امت کا مسخ: شبہ: ....حدیث ایک امت کا چوہوں کی شکل میں مسخ ہونا۔ حضرت ابو ہریرہ رضی اللہ عنہ روایت کرتے ہیں کہ رسول اللہ صلی اللہ علیہ وسلم نے فرمایا: ’’ بنی اسرائیل کا ایک گروہ گم ہوگیا معلوم نہیں کیا ہوا، میرا خیال ہے کہ یہ چوہے مسخ شدہ صورت میں وہی گمشدہ گروہ ہے۔ یہی وجہ ہے کہ جب چوہوں کے سامنے اونٹ کا دودھ رکھا جائے تو نہیں پیتے اور جب بکری وغیرہ کا دودھ رکھا جائے تو پی لیتے ہیں ۔‘‘[1] کہتے ہیں یہ ابو ہریرہ رضی اللہ عنہ کا من گھڑت کلام ہے، اور شیخین اس کلام سے اس کی حماقتوں پر استدلال کرتے ہیں ۔ جواب: ....اس طرح کی بعض روایات خود امامیہ مذہب کی کتابوں میں موجود ہیں ۔ اصبغ بن نباتہ سے روایت ہے کہ: ’’بیشک امیرالمؤمنین کے پاس منا فقین کی ایک جماعت آئی۔وہ کہنے لگے کہ آپ یہ کہتے ہیں کہ: جری مچھلی مسخ شدہ اور حرام ہے؟ تو آپ نے فرمایا: ہاں ۔کہنے لگے: ہمیں اس کی کوئی دلیل دیکھاؤ؟ آپ انھیں لے کر فرات پر گئے، آپ نے آواز دی: ہناس ہناس! جری مچھلی نے کہا: لبیک۔ تو امیر المؤمنین نے اس سے کہا: تم کون ہو؟ کہنے لگی:’’ میں وہ ہوں جس نے آپ کی ولایت سے منہ موڑا تھا پس میری شکل مسخ کر دی گئی اوربے شک آپ کے ساتھ موجود لوگوں میں کچھ ایسے بھی ہیں ، جو ایسے ہی مسخ ہوں گے جیسے ہم مسخ ہوئے، اور ان کا انجام بھی ویسا ہو گا۔ جیسا ہمارا انجام ہوا۔ امیر المؤمنین نے اس سے کہا: ذرا اپنا قصہ وضاحت کے ساتھ سناؤ تاکہ حاضرین سن اور جان سکیں ۔ اس نے کہا: ٹھیک ہے، ہم چوبیس قبیلے تھے، جن کا تعلق بنو اسرائیل سے تھا۔ ہم سرکشی اور بغاوت پر اتر آئے تھے۔ ہم پر آپ کی ولایت پیش کی گئی مگر ہم نہ مانے۔ ہم نے اپنا علاقہ چھوڑ دیا اور فساد مچانے لگے ہمارے پاس ایک آنے والا آیا جس کو آپ اچھی طرح جانتے ہیں ہم سے بڑھ کر جانتے ہیں ۔ اس نے ہم میں ایک چیخ لگائی تو ہم سارے ایک جگہ پر جمع ہو گئے۔ پھر اس نے دوسری چیخ لگائی اور کہا: اللہ کی قدرت سے مسخ شدہ ہو جاؤ۔ تو ہم مختلف اجناس میں