سیدنا عثمان بن عفان رضی اللہ عنہ شخصیت وکارنامے

ہے لہٰذامیں نے ان کے جزیہ میں سے تیس جوڑے کم کر دیے ہیں اور اللہ عزوجل کے واسطے چھوڑ دیا ہے اور یمن سے منتقل کرنے کے بعد عمر رضی اللہ عنہ نے جو زمینیں انہیں عطا کی تھیں وہ سب ان کو دے دی ہیں لہٰذا تم ان کے ساتھ بھلائی کا برتاؤ کرو کیوں کہ ان کے لیے ذمہ ہے اور میرے اور ان کے مابین معرفت ہے۔ تم عمر رضی اللہ عنہ کے فرمان نامہ کو دیکھو اور اس میں جو کچھ ہے اس کو پورا کرو اور جب یہ فرمان نامہ پڑھ لو تو پھر اس کو انہیں واپس کر دو۔‘‘

والسلام[1]

یہ پندرہ شعبان ۲۷ھ کا واقعہ ہے۔ [2]

مذکورہ بالا خط سے مندرجہ ذیل حقائق ہمارے سامنے واضح ہوتے ہیں:

ا۔ عثمان رضی اللہ عنہ نے رسول اللہ صلی اللہ علیہ وسلم کے عہد کو اور آپ کے بعد صاحبین ابوبکر و عمر رضی اللہ عنہ کے عہد کو پورا کیا اور یہ اسلام کے عام اصول کا اثر ہے وہ یہ کہ جب کوئی شخص عہد و پیمان کرے یا کوئی وعدہ کرے تو اس کو پورا کرے۔

ب۔ عثمان رضی اللہ عنہ نے جزیہ میں تخفیف فرمائی اور ان کی پوری زمین ان کو دے دی اور اپنے گورنر ولید بن عقبہ رضی اللہ عنہ کو حکم دیا کہ وہ عمر رضی اللہ عنہ کے مکتوب میں ان سے متعلق جو وارد ہوا ہے اس کو پورا کریں اور ان کے ساتھ برتاؤ کریں کیوں کہ وہ اہل ذمہ ہیں۔[3]

۵۔اہل کتاب جب تک جزیہ ادا کرتے رہیں وہ مسلمانوں کے ذمہ و حفاظت میں رہیں گے

جب عمرو بن العاص رضی اللہ عنہ نے اسکندریہ کو فتح کیا اور جنگ کے دوران بطور مال غنیمت بہت سا مال و متاع حاصل ہوا تو عہد پر باقی رہنے والے لوگ آپ کی خدمت میں حاضر ہوئے اور عرض کیا: ہماری اور آپ کی مصالحت تھی اس وقت ان رومی چوروں نے ہمارے سامان اور چوپایوں پر قبضہ کر لیا تھا اور ہمارا یہ مال اس وقت آپ کے قبضہ میں آیا ہے۔ عمرو بن العاص رضی اللہ عنہ نے ان لوگوں کو جنھوں نے اپنا مال پہچان لیا اور اس پر شہادت پیش کر دی ان کو واپس کر دیا۔ اور ان میں سے بعض لوگوں نے عمرو بن العاص رضی اللہ عنہ سے عرض کیا: آپ نے ہمارے ساتھ جو کیا ہے یہ حلال نہ تھا، بلکہ ہمارا آپ پر حق تھا کہ آپ ہماری طرف سے قتال کرتے کیوں کہ ہم آپ کے ذمی ہیں اور ہم نے اس عہد و پیمان کو توڑا نہیں ہے اور جس نے توڑ دیا ہے اس کو اللہ اپنی رحمت