|
کو اپنے لیے خریداری کا وکیل بھی بنادیتا ہے تب بھی اگر اُس کی کسی ذاتی غفلت کے بغیر مال تلف ہو تو اُس کا ذمہ دار بھی اسلامی بینک ہوتا ہے پھر اسے نان رسک کیونکر کہا جا سکتا ہے؟
اس کا ثبوت (بینک اسلامی) کی جانب سے شائع کردہ پمفلٹ بعنوان فتویٰ کے مندرجات میں بھی ص3ملاحظہ کیا جاسکتا ہے۔
اعتراض نمبر 6:
نفع کی تقسیم کا جو تناسب فارم میں درج ہوتا ہے۔بینک بعد میں اُس میں تبدیلی کا مجاز ہوتا ہے۔
جواب:
یہ اعتراض واقع کے خلاف ہے ،نفع کی تقسیم کا جو تناسب فارم میں درج ہوتا ہے،ڈیپازیٹر اور اسلامی بینک اُس کے پابند ہوتے ہیں،تمام شرائط واضح طور پر درج ہوتی ہیں فریقین باہمی رضا مندی سےاُس ایگریمنٹ کو سائن کرتے ہیں حتی کہ اُس میں یہ بھی وضاحت ہوتی ہے کہ کونسا عقد کیاجارہا ہے۔اجارہ،مضاربت،شراکت یا مرابحہ وغیرہ اگر معاہدے میں یہ چیزیں واضح نہ ہوں اور منافع کاتناسب بھی بینک کی صوابدید پر چھوڑدیاجائے تو اس سے عقد میں جہالت واقع ہوگی جو حرام ہے۔بلکہ نفع کی تقسیم کے تناسب کی تعین کی صراحت خودبینک اسلامی نے اپنے بروشرز میں بھی کردی ہے۔جیسےبینک”اسلام میں ڈیپازٹ اکاؤنٹس کس طرح کام کرتے ہیں“ کے عنوان سے اسلامی بینک نے شائع کیا ہے اُس کے صفحہ نمبر5 پر”پیمائش(ویٹیج)کیا ہے“ کے تحت یہ صراحت موجود ہے کہ”اصولِ مضاربہ کے مطابق ہرشراکت دار کوپہلے سے مقررہ کردہ تناسب کے مطابق منافع حاصل ہوتا ہے۔
|