|
نبوی حدیث لوکاں کولوں چھوڑاندے ہو شکاں تے شبہیاں والی جھوٹھی بناندے ہو
فقہہ نوں چک کے اُپر چشماندے لاندے ہو
قَالَ رَسُوْل چنگا قَالَ اِمَام تھیں گھاٹا کی پاؤ دسو نبی دے نام تھیں
صبح دا چانن چھڈ کے ڈھونڈو کی شام تھیں
سانوں تے نبی حاضر ناظر مناندے او نالے بے ادب آکھو فتوے لگاندے او
اندر نماز آپوں اگے ہو جاندے او
لَا تُقَدِّمُوْا ہے رب فرماوندا نبی دے نالوں جہڑا اَگے ہو جاوندا
ہویا اوہ کافر سارے عمل کھوہاوندا
پس نتیجہ اس تھیں ہویا ظہور ہے ایسی نماز رب نوں نامنظور ہے
دوزخ دا سمجھو اگے تپدا تندور ہے
جواب الجواب مولوی عبدالغفور
عبدالغفور اٹھیا اٹھدا گھبرا گیا نیواں آواز نالے چہرہ کڑما گیا
نس نہ سکے شوہدا سختی منہ آگیا
کٹ نہ سکیا مسلہ احمد دین دا جھل نہ سکیا گولہ گن مشین دا
رکھے گا یاد دھپھہ شیر عرّین دا
آیت شہیداں طرفے فیر نہ آیا سی جرح نہ توڑی اُس دی عذر نہ لیایا سی
نبوی حدیث ول فکر دوڑایا سی
تربت دے وچوں حضرت سن دے درود نے پکی دلیل اس تھیں زندے موجود نے
موئے کَد سندے جہڑے ہوئے نابود نے
سرور نے زندے پیالہ موت نہ پیتا سی لوکاں دے ویکھن اندر قصہ ایہ بیتا سی
حرماں نے تاہیں پچھوں عقد نہ کیتا سی
|